UzCERT Live

⚠️ PHP tizimida xavflilik darajasi yuqori bo‘lgan ikkita zaiflik aniqlandi!

🖥 PHP dasturlash tili uchun mas’ul xavfsizlik jamoasi xavflilik darajasi kritik bo‘lgan ikkita zaiflik aniqlangani haqida ogohlantirdi. Har ikki zaiflikning xavflilik darajasi CVSS v4.0 bo‘yicha 10 balldan 9,2 ball deb baholangan.

✅ Rasmiy ma’lumotga ko‘ra, ushbu zaifliklarni bartaraf etishga qaratilgan xavfsizlik yangilanishlari 2026-yil 21-oktabr kuni Toshkent vaqti bilan soat 19:00 da chiqarilishi rejalashtirilgan. Agar zaifliklar haqida texnik ma’lumotlar oldinroq oshkor etilsa yoki ulardan amalda foydalanilayotgani aniqlansa, yangilanishlar belgilangan vaqtdan oldin ham chiqarilishi mumkin.
Ochiq ma’lumotlarga ko‘ra, CVE-2026-109618 va CVE-2026-109619 zaifliklari tajovuzkorlarga serverda masofadan turib kod bajarish imkonini berishi mumkin. Bu server faoliyatining buzilishi va undagi ma’lumotlar xavfsizligiga zarar yetishiga olib kelishi ehtimoli bor.

Qanday choralar ko‘rishi kerak?
- server va veb-saytlarda ishlatilayotgan PHP versiyalarini aniqlash.
- PHP rasmiy saytidagi xavfsizlik yangilanishlarini muntazam tekshirish.
- tuzatilgan versiyalar chiqqach, xavfsizlik yangilanishlarini imkon qadar tez o‘rnatish.
- yangilash imkoni bo‘lmasa, xavf ostidagi tizimlarga tashqi kirishni vaqtincha cheklash.
- serverlarda shubhali faoliyat va ruxsatsiz kirish alomatlarini aniqlash.
- muhim ma’lumotlarni saqlash va ularni tiklash imkoniyatini tekshirish.
- yangilanishdan so‘ng PHP versiyasi va tizimlarning to‘g‘ri ishlashini tekshirish.

✅ PHP asosida ishlaydigan veb-saytlar va axborot tizimlarida mazkur zaifliklar yuzaga keltirishi mumkin bo‘lgan xavflarni inobatga olib, davlat organlari hamda xo‘jalik yurituvchi subyektlarining axborot va kiberxavfsizlikka mas’ul texnik mutaxassislariga xavfsizlik yangilanishlarini o‘z vaqtida o‘rnatishga tayyorgarlik ko‘rish va rasmiy tavsiyalar asosida zarur choralarni ko‘rish tavsiya etiladi.

🚀 Kiberxavfsizlik markazining UZCERT xizmati

⚠️ DIQQAT! WordPress saytlarini login va parolsiz egallash imkonini beruvchi WP2Shell hujum usuli aniqlandi!

👨‍💻 Mutaxassislar 2026-yil 16-oktabrda e’lon qilingan tahlilga ko‘ra, WP2Shell deb nomlangan hujum usuli WordPress platformasidagi ikkita zaiflikdan birgalikda foydalanib, tizimga login va parolsiz kirish, administrator hisobini yaratish hamda serverda zararli kodni ishga tushirish imkonini berishi mumkin.

Hujum qanday amalga oshiriladi?
✅ CVE-2026-63030 — WordPress REST API so‘rovlarini qayta ishlash mexanizmidagi zaiflik. Undan foydalanish orqali autentifikatsiya talab qilinadigan ayrim funksiyalarga ruxsatsiz murojaat qilish imkoniyati yuzaga kelishi mumkin.
✅ CVE-2026-60137 — ma’lumotlar bazasiga yuboriladigan so‘rovlarni noto‘g‘ri qayta ishlash bilan bog‘liq SQL injection zaifligi.
Hujumchi ushbu zaifliklardan birgalikda foydalanib, saytga login va parol kiritmasdan turib administrator huquqini qo‘lga kiritishi va serverda zararli kodni ishga tushirishi mumkin.

Natijada, saytga zararli plagin o‘rnatilishi, serverdagi fayllar o‘zgartirilishi yoki tizimda keyingi hujumlarni amalga oshirish uchun imkoniyat yaratilishi ehtimoli mavjud.

🛡 Ma’lumotlarga ko‘ra, zaifliklar WordPress’ning 6.8.6, 6.9.5 va 7.0.2 versiyalarida bartaraf etilgan. Tashkilotlarga o‘z saytlaridagi WordPress versiyasini tuzatilgan yoki undan keyingi qo‘llab-quvvatlanadigan versiyaga yangilash tavsiya etiladi.

✅ Tashkilotlarga WordPress platformasini o‘z vaqtida yangilash, administrator hisoblari va plaginlarni tekshirish, server jurnallarini tahlil qilish hamda shubhali faollik aniqlansa, zudlik bilan tegishli choralarni ko‘rish tavsiya etiladi.

🚀 Kiberxavfsizlik markazining UZCERT xizmati

⚠️ VMmanager 6 tizimidagi zaiflik orqali virtual serverlarda saqlangan ma’lumotlar o‘g‘irlanishi mumkin!

2026-yil 17-oktabr kuni VMmanager 6 tizimidagi zaiflikdan foydalanib, ayrim virtual serverlarda saqlangan parollar, kirish kalitlari, konfiguratsiya fayllari va boshqa ma’lumotlar nusxalangan bo‘lishi mumkin. Server odatdagidek ishlayotgan va unda hujum izlari aniqlanmagan bo‘lsa ham, ma’lumotlar o‘g‘irlangan bo‘lishi ehtimoli mavjud, chunki hujumchilar server diskidagi ma’lumotlarni uning ishlashiga bevosita ta’sir qilmasdan ko‘chirib olgan.

⚠️ Hujumchilar zararli dastur yordamida virtual serverlarning disklaridan parollar, kirish kalitlari, konfiguratsiya fayllari, kriptovalyuta hamyonlariga oid ma’lumotlar va boshqa fayllarni nusxalab, o‘z serverlariga yuborgan. Ma’lumotlar server ishiga bevosita ta’sir qilmasdan ko‘chirilgani sababli, server odatdagidek ishlashda davom etishi mumkin.

Ushbu hodisaning asosiy xavfi — o‘g‘irlangan ma’lumotlar orqali tashkilotning boshqa axborot tizimlariga ham ruxsatsiz kirish imkoniyati yuzaga kelishidir.
Hujumchilar ushbu ma’lumotlardan foydalanib:
🟢 boshqa serverlar, ma’lumotlar bazalari va elektron pochtaga kirishi;
🟢 bulutli xizmatlar va to‘lov tizimlarini egallashi;
🟢 maxfiy ma’lumotlar va kriptovalyuta mablag‘larini o‘g‘irlashi;
🟢 tashkilotning ichki tarmog‘ida yangi hujumlarni amalga oshirishi mumkin.

Shu sababli server bilan birga, unda saqlangan kirish ma’lumotlaridan foydalaniladigan boshqa tizimlarni ham tekshirish zarur.

Qanday choralar ko‘rish tavsiya etiladi?
✅ Agar tashkilotingiz VMmanager 6 tizimidan yoki ushbu hodisaga aloqador infratuzilmadan foydalansa, serverlaringiz hujumdan zarar ko‘rgan-ko‘rmaganini xizmat ko‘rsatuvchi provayder orqali aniqlashtiring. Agar serveringizga oid xavfsizlik hodisasi haqida xabar olgan bo‘lsangiz, unda saqlangan ma’lumotlar o‘g‘irlangan bo‘lishi mumkinligini hisobga olib, parol va kirish kalitlarini zudlik bilan yangilang hamda boshqa zarur xavfsizlik choralarini ko‘ring.

✅ Serverda saqlangan yoki undan foydalanish mumkin bo‘lgan administrator va foydalanuvchi parollari, SSH kalitlari, API kalitlari, autentifikatsiya tokenlari hamda boshqa kirish ma’lumotlarini almashtirish lozim. Bunda faqat yangi kalit yaratish bilan cheklanmasdan, eskilarini bekor qilish zarur.

✅ Serverda saqlangan ma’lumotlar bazalari, elektron pochta, bulutli platformalar, GitHub/GitLab, CI/CD tizimlari, to‘lov xizmatlari va boshqaruv panellariga tegishli hisoblar ham tekshirilishi kerak. Zaruratga ko‘ra, ushbu xizmatlardagi kalit va tokenlar bekor qilinib, yangilari yaratilishi lozim.

✅ Serverlar va ularga bog‘liq xizmatlarning 2026-yil 17-oktabrdan boshlab kirish jurnallarini (log-fayllarni) tekshirish tavsiya etiladi. Bunda shubhali IP-manzillar, yangi foydalanuvchilar, SSH kalitlari, avtomatik bajariladigan buyruqlar va tizimdagi o‘zgarishlarga e’tibor qaratish lozim.

✅ Agar serverda kriptovalyuta hamyonining maxfiy kalitlari yoki hamyonni tiklash uchun maxfiy so‘zlar saqlangan bo‘lsa, mablag‘larni boshqa, xavfsiz qurilmada yaratilgan yangi kriptovalyuta hamyoniga imkon qadar tezroq o‘tkazish tavsiya etiladi.

✅ Serverlar, tarmoq qurilmalari, autentifikatsiya tizimlari va muhim axborot resurslaridagi shubhali faollikni kuzatish, ko‘p bosqichli autentifikatsiyani (MFA) yoqish hamda ortiqcha kirish huquqlarini cheklash zarur.

2026-yil 20-oktabr holatiga ko‘ra, ishlab chiqaruvchi zaiflikni to‘liq bartaraf etish ustida ishlashda davom etmoqda. Mazkur hodisa virtualizatsiya platformalaridagi zaifliklar tashkilotlarning o‘zaro bog‘langan axborot resurslari uchun jiddiy xavf tug‘dirishi mumkinligini ko‘rsatadi. Server odatdagidek ishlayotgani yoki unda zararli dastur izlari aniqlanmagani konfidensial ma’lumotlar o‘g‘irlanmaganini anglatmaydi.

Tashkilotlarga serverlari hujumdan zarar ko‘rgan-ko‘rmaganini aniqlash, parol va kirish kalitlarini zudlik bilan yangilash, eskilarini bekor qilish hamda boshqa axborot tizimlarida shubhali harakatlar mavjudligini tekshirish tavsiya etiladi.

⚠️ DIQQAT! XAKERLAR LINUX SERVERLARINI NISHONGA OLMOQDA!

Davlat organlari hamda xo‘jalik yurituvchi subyektlarning axborot infratuzilmasi xavfsizligiga mas’ul mutaxassislar diqqatiga!

⚠️ Kiberxavfsizlik sohasidagi mutaxassislar tomonidan 2025-yil oktabridan 2026-yil apreligacha davlat organlari hamda xo‘jalik yurituvchi subyektlar infratuzilmasiga qaratilgan bir qator kiberhujumlar aniqlangan. Ushbu hujumlar mutaxassislar tomonidan CL-UNK-1211 kodi bilan belgilangan. Tadqiqot natijalari 2026-yil 15-oktabrda e’lon qilindi.

💻 Hujumchilar Linux tizimlaridagi .bashrc konfiguratsiya faylini o‘zgartirib, sudo buyrug‘i orqali kiritilgan foydalanuvchi parollarini yashirin ravishda qo‘lga kiritishga uringan. Shuningdek, veb-serverlarga zararli kod joylashtirish, administrator hisob ma’lumotlarini o‘g‘irlash, ma’lumotlar bazalari va elektron pochta xabarlarini yig‘ish hamda tizimlarda yashirin kirish imkoniyatini saqlab qolish usullaridan foydalangan.

⚠️ Hujumlarda Linux va Windows operatsion tizimlarida ishlashi mumkin bo‘lgan SysGoRAT masofadan boshqarish zararli dasturi hamda serverlarga yashirin kirish imkonini beruvchi zararli kodlar aniqlangan. Shuningdek, ayrim skriptlarning tuzilishi ularni sun’iy intellektdan foydalanilgan bo‘lishi mumkinligini ko‘rsatadi.

🛡 Mas’ul mutaxassislarga asosiy tavsiyalar!
✔️ .bashrc fayllari va boshqa konfiguratsiyalardagi ruxsatsiz o‘zgarishlar, noma’lum sudo taxalluslari hamda Solarwinds.StatusLog.txt fayli mavjudligini tekshirish.
✔️ PHP fayllari, administrator sahifalari va PHP konfiguratsiyalaridagi ruxsatsiz o‘zgarishlarni, shuningdek, serverga yashirin kirish imkonini beruvchi zararli kodlarni aniqlash.
✔️ shubhali tashqi IP-manzillar, noodatiy ulanishlar va noma’lum jarayonlarni SIEM, EDR/XDR hamda tarmoq himoyasi vositalari orqali tekshirish.
✔️ administrator parollarini yangilash, ko‘p faktorli autentifikatsiyani joriy etish, ortiqcha imtiyozlarni cheklash va SSH kalitlarini tekshirish.
✔️ Linux distributivlari, PHP, veb-serverlar va boshqa komponentlar uchun xavfsizlik yangilanishlarini o‘z vaqtida o‘rnatish.

⚠️ Tashkilotlar Linux serverlari va veb-resurslarini zudlik bilan tekshirishi, shubhali faoliyat aniqlangan taqdirda esa tegishli choralarni ko‘rishi lozim. Faqat dasturiy ta’minotni yangilash bilan cheklanib qolmasdan, tizim konfiguratsiyalari, foydalanuvchi hisoblari va tarmoq faoliyatini ham muntazam nazorat qilib borish zarur.

🚀 Kiberxavfsizlik markazining UZCERT xizmati

#cyberkent2026 #cknews #redteam #blueteam #ochiqtopshiriqlar

🦁”CYBERKENT 4.0” musobaqasi tafsiloti

➡️7 yo'nalish
➡️2500 dan ortiq musobaqa ishtirokchisi va mehmonlar
➡️Musobaqa uchun tayyorlangan maxsus maket
➡️"Red team" yo'nalishida 20 dan ortiq topshiriqlar
➡️"Blue team" yo'nalishida 30 dan ortiq topshiriqlar
➡️200 dan ortiq "Cyberquiz" viktorinasi sovg'alari
➡️Ochiq topshiriqlarda hududiy manzillardan onlayn ishtirok etish imkoniyati
➡️Kiberxavfsizlik klubi a'zolari musobaqadagi faolligi yildan yilga ortmoqda
➡️Musobaqani Markazning rasmiy “Youtube” sahifasida onlayn tomosha qilish imkoniyati
➡️“Cyberkent sarguzashtlari” multfilmining premyerasi

Bir so'z bilan, "Cyberkent 4.0" bu bilim va tajriba birlashadigan, g‘oyalar almashiladigan va raqamli kelajak sari birgalikda odimlaydigan imkoniyatlar maydonidir.

"Cyberkent" ilovasini yuklab oling
📱App store do’koni
👩‍💻Google play market

🌐Website | 📝Telegram | 🌐Facebook | 📹Youtube | 📱Instagram

⚠️ SHOSHILINCH OGOHLANTIRISH!

Axborot va kiberxavfsizlikka mas’ul rahbarlar hamda texnik mutaxassislar DIQQATIGA!

🚫 Kiberxavfsizlik markazining UZCERT xizmati tomonidan olib borilgan o‘rganishlar natijasida O‘zbekiston Respublikasidagi davlat organlari hamda xo‘jalik yurituvchi subyektlarga oid ma’lumotlarni yashirin ravishda to‘plashga qaratilgan tajovuzkor zararli dasturini tarqatish maqsadida ommaviy kiberhujumlar amalga oshirilayotgani aniqlandi.

⚠️ Mavjud ma’lumotlarga ko‘ra, ayrim davlat organlarining axborot infratuzilmalarida zararli dasturlar bilan zararlanish holatlari qayd etilgan.

O‘rganishlar natijasida zararli dasturlar asosan fishing xabarlari orqali tarqatilayotgani aniqlangan.

Mas’ul mutaxassislar uchun asosiy tavsiyalar:
✔️ Axborot infratuzilmasini to‘liq inventarizatsiya qilish — tashkilotga tegishli barcha domenlar, subdomenlar, IP-manzillar, serverlar, veb-saytlar va axborot tizimlarini aniqlash hamda ularning to‘liq ro‘yxatini shakllantirish.
✔️ Foydalanilmayotgan resurslarni o‘chirish — foydalanilmayotgan domenlar, subdomenlar, serverlar va xizmatlarni o‘chirib qo‘yish yoki ularga tashqi kirishni cheklash.
✔️ Login va parollar xavfsizligini kuchaytirish — standart va kuchsiz parollarni murakkab, takrorlanmaydigan parollarga almashtirish, imkon qadar ikki bosqichli himoyani (MFA) yoqish hamda xodimlarning foydalanishiga zarur bo‘lmagan kirish huquqlarini cheklash.
✔️ Xavfsizlik yangilanishlarini o‘z vaqtida o‘rnatish — axborot infratuzilmasida foydalanilayotgan operatsion tizimlar, dasturiy ta’minot, serverlar va tarmoq qurilmalarini muntazam yangilash, aniqlangan zaifliklarni bartaraf etish.
✔️ Harakatlar jurnallarini muntazam nazorat qilish — serverlar, tarmoq qurilmalari va axborot tizimlaridagi log fayllarni tahlil qilish, shubhali kirishlar va noodatiy faolliklarni o‘z vaqtida aniqlash.
✔️ Zararli dasturlardan himoyalanish choralarini kuchaytirish — antivirus va boshqa himoya vositalarini yangilab borish, muhim ma’lumotlarning zaxira nusxalarini yaratish hamda zararlanish alomatlari aniqlanganda tezkor choralar ko‘rish.

✅ Eslatib o‘tamiz: “Kiberxavfsizlik to‘g‘risida”gi Qonunning 14-moddasiga muvofiq, davlat organlari va tashkilotlari o‘z tasarrufidagi axborot tizimlari hamda axborot resurslarining kiberxavfsizligini ta’minlashi, shuningdek, axborot-kommunikatsiya tarmoqlarining barqaror ishlashini ta’minlash choralarini ko‘rishi shart.

🚀 Kiberxavfsizlik markazining UZCERT xizmati

⚠️ React va Next.js serverlariga bitta POST so‘rovi orqali xizmat ko‘rsatishni izdan chiqarish imkonini beruvchi zaiflik aniqlandi!

💻 React Server Components (RSC) texnologiyasida yuqori darajali xavfsizlik zaifligi aniqlandi. CVE-2026-23870 raqami bilan ro‘yxatga olingan ushbu zaiflik orqali tajovuzkor maxsus tayyorlangan bitta HTTP POST so‘rovini yuborish orqali serverga ortiqcha yuklama tushirishi mumkin. Natijada server sekinlashishi yoki vaqtincha ishlamay qolishi, foydalanuvchilar esa veb-sayt va xizmatlardan foydalana olmasligi mumkin.

💻 Zaiflikning xavflilik darajasi CVSS 3.1 baholash tizimi bo‘yicha 10 balldan 7,5 ballni tashkil etadi va yuqori darajali deb baholangan. Ushbu muammo React Server Components texnologiyasidan foydalanadigan, jumladan, Next.js platformasida yaratilgan ayrim veb-ilovalarga ta’sir qilishi mumkin. Zaiflikni bartaraf etish uchun React ishlab chiquvchilari tomonidan tegishli xavfsizlik yangilanishlari taqdim etilgan.

📱 Batafsil

🚀 Kiberxavfsizlik markazining UZCERT xizmati

⚡️ DIQQAT! Telegram Desktop’dagi zaiflik birgina havola orqali fayllar o‘g‘irlanishi va akkaunt egallab olinishiga olib kelishi mumkin!

🔹 2026-yil oktabr oyida Telegram Desktop dasturida foydalanuvchi qurilmasidagi mahalliy fayllarning ruxsatsiz qo‘lga kiritilishiga va ayrim sharoitlarda akkauntni egallab olishga olib kelishi mumkin bo‘lgan xavfsizlik zaifligi haqida ma’lumotlar e’lon qilindi. CVE-2026-107181 identifikatori bilan ro‘yxatga olingan ushbu zaiflikning xavflilik darajasi CVSS 4.0 mezoniga ko‘ra 8,6 ball bilan baholangan bo‘lib, yuqori xavfli (High) toifaga kiradi.

👨‍💻 Mutaxassislar mazkur zaiflikning texnik tahlilini 2026-yil 3-oktabrda e’lon qilgan va 7-oktabrda yangilagan. Zaiflik uchun CVE identifikatori ham 7-oktabr kuni ajratilgan. Ochiq PoC materialining e’lon qilinishi zaiflikdan foydalanish texnik jihatdan mumkinligini ko‘rsatadi, biroq bu holatning o‘zi real kiberhujumlar sodir etilganini anglatmaydi.

📱 Batafsil

🚀 Kiberxavfsizlik markazining UZCERT xizmati

#cyberkent2026 #cknews #redteam #blueteam #ochiqtopshiriqlar

🦁Cyberkent 4.0 – bu bilim va tajriba birlashadigan, g‘oyalar almashiladigan va raqamli kelajak sari birgalikda odimlaydigan imkoniyatlar maydonidir.

"Cyberkent" ilovasini yuklab oling
📱App store do’koni
👩‍💻Google play market

🌐Website | 📝Telegram | 🌐Facebook | 📹Youtube | 📱Instagram

⚠️ Cisco Nexus 3000 va 9000 qurilmalarida aniqlangan kritik zaifliklar masofadan root huquqida kod bajarilishiga olib kelishi mumkin!

⚠️ 2026-yil 7-oktabr kuni Cisco kompaniyasi Nexus 3000 va Nexus 9000 seriyali tarmoq qurilmalariga taalluqli uchta kritik darajadagi xavfsizlik zaifligi haqida ma’lumot e’lon qildi. Mazkur zaifliklar Cisco NX-OS Software tarkibidagi Next Generation Operations, Administration, and Maintenance (NGOAM) funksiyasi bilan bog‘liq.

💻 Aniqlangan zaifliklarga CVE-2026-76485, CVE-2026-76486 va CVE-2026-76501 identifikatorlari berilgan. Ularning barchasi uchun CVSS 3.1 bo‘yicha asosiy xavflilik darajasi 9.8 ball etib baholangan. Zaifliklardan muvaffaqiyatli foydalanilgan taqdirda, autentifikatsiyadan o‘tmagan masofaviy hujumchi qurilmada root darajasidagi yuqori imtiyozlar bilan ixtiyoriy kodni bajarishi yoki qurilmaning normal ishlashini izdan chiqarishi mumkin.

📱 Batafsil

🚀 Kiberxavfsizlik markazining UZCERT xizmati

⚠️ Linux tizimlarida imtiyozlarni oshirish: asosiy usullar, vositalar va himoyalanish choralari!

😁 Linux operatsion tizimlari serverlar, ma’lumotlar bazalari, bulut infratuzilmalari, tarmoq qurilmalari va turli korporativ axborot tizimlarining muhim qismini tashkil etadi. Ushbu tizimlarning xavfsizligi nafaqat tashqi hujumlarning oldini olish, balki tizim ichidagi foydalanuvchilarga berilgan huquqlarni to‘g‘ri boshqarish bilan ham chambarchas bog‘liq.

💻 Kiberhujumchi tizimga oddiy foydalanuvchi, xizmat hisobi yoki cheklangan huquqlarga ega boshqa hisob orqali kirishga muvaffaq bo‘lganidan so‘ng, keyingi maqsadlardan biri ko‘pincha o‘z vakolatlarini kengaytirish bo‘ladi. Ya’ni, dastlabki cheklangan huquqlardan foydalanib, yuqori darajadagi — masalan, root — vakolatlarga ega bo‘lishga harakat qilinadi.
Mazkur jarayon imtiyozlarni oshirish yoki inglizcha atama bilan Privilege Escalation deb ataladi.
✅ MITRE ATT&CK metodologiyasida Privilege Escalation alohida taktika sifatida qayd etilgan bo‘lib, hujumchilar tizimdagi zaifliklar, noto‘g‘ri konfiguratsiyalar va mavjud huquqlarni boshqarish mexanizmlaridan foydalanib, o‘z vakolatlarini oshirishi mumkinligi ko‘rsatilgan.

⚠️ Linux muhitida bunday holatlar, asosan, sudo sozlamalaridagi xatolar, SUID/SGID huquqlarining noto‘g‘ri qo‘llanilishi, eskirgan yoki zaif dasturiy ta’minot, fayl va kataloglarga ortiqcha yozish huquqining berilishi, cron-vazifalarining noto‘g‘ri sozlanishi hamda serverda ishlayotgan dasturlardagi xavfsizlik kamchiliklari sababli yuzaga kelishi mumkin.

🚫 Shu sababli Linux tizimini himoyalashda nafaqat zaifliklarni aniqlash, balki hujumchi tizimga kirgan taqdirda uning keyingi harakatlarini ham cheklash muhim.

📱 Batafsil

🚀 Kiberxavfsizlik markazining UZCERT xizmati

⚠️ “FortiBleed” kiberhujumlari: 86 mingdan ortiq FortiGate qurilmasi nishonga olingan!

🚫 AQSh Federal qidiruv byurosi (FBI) va AQSh Maxfiy xizmati (USSS) tomonidan e’lon qilingan qo‘shma kiberxavfsizlik ogohlantirishida dunyoning turli mamlakatlaridagi internetga ochiq Fortinet FortiGate xavfsizlik qurilmalari va SSL VPN shlyuzlariga qarshi davom etayotgan FortiBleed kiberhujumlari haqida ma’lum qilindi.

👺 Ma’lumotlariga ko‘ra, ushbu kiberhujumlar doirasida 194 ta mamlakatdagi 86 644 dan ortiq qurilma nishonga olingan. Hujumlar, ayniqsa, FortiGate qurilmalarining boshqaruv interfeyslari yoki masofaviy ulanish xizmatlari internet orqali to‘g‘ridan-to‘g‘ri ochiq bo‘lgan tashkilotlar uchun jiddiy xavf tug‘diradi.

💻 FortiBleed nomi bitta yangi Fortinet zaifligiga emas, balki o‘g‘irlangan, sizib chiqqan yoki kuchsiz parollardan foydalanib FortiGate qurilmalariga noqonuniy kirish bilan bog‘liq keng ko‘lamli kiberhujumlarga nisbatan qo‘llanmoqda.

Kiberjinoyatchilar o‘g‘irlangan login va parollardan foydalanib, ularni tekshirish, parollarni buzish va ishlayotgan hisoblarni aniqlash uchun turli serverlardan tashkil topgan infratuzilmadan foydalangani qayd etilgan.

📱 Batafsil

🚀 Kiberxavfsizlik markazining UZCERT xizmati

⚠️ Elastic mahsulotlarida 14 ta xavfsizlik zaifligi aniqlandi: Kibana’dagi kamchilik boshqa foydalanuvchilarning ma’lumotlarini ushlab qolishga imkon beradi!

⚠️ Elastic kompaniyasi Elasticsearch, Kibana hamda Elastic Agent/Endpoint mahsulotlarida aniqlangan 14 ta xavfsizlik zaifligini bartaraf etdi. Ular orasida yuqori xavf darajasiga ega bo‘lgan, hujumchilarga boshqa foydalanuvchilar yoki jamoalarga tegishli ma’lumotlarni ushlab qolish va o‘zgartirish imkonini berishi mumkin bo‘lgan Kibana zaifligi ham mavjud.

💻 Mazkur muammolarning eng jiddiylaridan biri CVE-2026-102406 sifatida qayd etilgan bo‘lib, unga CVSS bo‘yicha 8.8 ball berilgan. Zaiflik Kibana platformasining Fleet komponentidagi maxsus paketlarni o‘rnatish jarayoni bilan bog‘liq.

📱 Batafsil

🚀 Kiberxavfsizlik markazining UZCERT xizmati

⚠️ DIQQAT! WordPress 7.1.3 yangilanishida XSS, SQL Injection va ma’lumotlar oshkor bo‘lishiga olib keluvchi 7 ta zaiflik bartaraf etildi!

💻 WordPress 7.1.3 versiyasi 2026-yil 6-oktabrda chiqarildi. Mazkur reliz xavfsizlik va texnik xizmat ko‘rsatish yangilanishi bo‘lib, unda 7 ta xavfsizlik zaifligi va 4 ta texnik xato bartaraf etilgan. WordPress jamoasi ushbu versiyani imkon qadar tez o‘rnatishni tavsiya qilmoqda.

⚠️ Yangi yangilanishda Cross-Site Scripting (XSS), SQL Injection, ruxsatsiz ma’lumotlarni oshkor qilish, huquqlarni noto‘g‘ri tekshirish, xizmatni rad etishga olib kelishi mumkin bo‘lgan holatlar va boshqa xavfsizlik muammolari tuzatildi.

WordPress rasmiy e’lonida ushbu zaifliklarga CVE identifikatorlari yoki umumiy CVSS ballari keltirilmagan. Shuning uchun ularning barchasini “kritik” deb baholash to‘g‘ri bo‘lmaydi. Biroq ayrim zaifliklar foydalanuvchi tomonidan yuborilgan ma’lumotlarni qayta ishlaydigan saytlar, sharhlar, tashqi kontent va WXR eksport funksiyasidan foydalanadigan resurslar uchun jiddiy xavf tug‘dirishi mumkin.

📱 Batafsil

🚀 Kiberxavfsizlik markazining UZCERT xizmati

🔴🔴 #css2026 #cknews4_0

🔴“Kiberxavfsizlik bo‘yicha Markaziy Yevroosiyo sammiti – 2026” davom etmoqda

Konferensiyada 30 dan ortiq davlatdan 600 dan ziyod delegat ishtirok etmoqda. Shuningdek, kiberxavfsizlik sohasida 50 dan ortiq ma’ruzachi taqdimotlari tinglanmoqda.

🔼Xalqaro sammitning asosiy maqsadi – mintaqaviy kiberhamjamiyat uchun o‘zaro tajriba almashish, zamonaviy yechimlarni namoyish etish, shuningdek, o‘zaro manfaatli asosda yangi imkoniyatlarni ochish uchun yuqori darajadagi xalqaro interaktiv platforma yaratishdan iborat.

🌐Website | 📝Telegram | 🌐Facebook | 📹Youtube | 📱Instagram

“Cyberkent 4.0” musobaqasining “Blue Team” yo‘nalishida saralash bosqichidan muvaffaqiyatli o‘tgan TOP-10 jamoalar orasida g‘oliblikni qo‘lga kiritgan TOP-3 jamoa:

1️⃣ -o‘rin — shaptoli — 50 mln so‘m

2️⃣ -o‘rin — OxNullRaid — 30 mln so‘m

3️⃣ -o‘rin — admin — 10 mln so‘m

Barcha jamoalarni munosib ishtiroki va yuqori natijalari bilan tabriklaymiz!

🚀 Kiberxavfsizlik markazining UZCERT xizmati

⚠️ Oryx — Linux tizimlarida tarmoq trafigini tahlil qilish vositasi

Oryx — Linux tizimlarida tarmoq trafigini real vaqt rejimida kuzatish va tahlil qilish uchun mo‘ljallangan terminal (TUI) vositasi. U eBPF texnologiyasidan foydalanib, tarmoqdagi paketlar va ulanishlar haqida tezkor ma’lumot beradi.

Asosiy imkoniyatlari:
✔️ Tarmoq trafigini real vaqt rejimida kuzatish;
✔️ Trafik bo‘yicha statistik ma’lumotlarni ko‘rish;
✔️ Kerakli trafikni filtrlash va qidirish;
✔️ Firewall qoidalarini boshqarish;
✔️ TCP, UDP, ICMP, ARP kabi protokollarni kuzatish;
✔️ Linux yadrosi darajasida eBPF orqali samarali monitoring olib borish.
Oryx “dual-space” arxitekturasi asosida ishlaydi: tarmoq trafigini yig‘ish va dastlabki qayta ishlash Linux yadrosi darajasida eBPF orqali amalga oshiriladi, foydalanuvchi uchun ma’lumotlarni ko‘rsatish va boshqarish esa terminal interfeysi orqali bajariladi.

Oryx tizim administratorlari, DevOps va kiberxavfsizlik mutaxassislariga shubhali tarmoq faolligini aniqlash, trafikni tahlil qilish va tarmoqdagi muammolarni tezkor aniqlash imkonini beradi.

🚀

⚠️ 5 milliondan ortiq WordPress saytlari xavf ostida: All-in-One WP Migration plaginida jiddiy SQL Injection zaifligi aniqlandi!

🧿 WordPress uchun keng qo‘llaniladigan All-in-One WP Migration and Backup plaginida yuqori xavfli zaiflik aniqlandi. CVE-2026-19949 sifatida qayd etilgan mazkur zaiflikdan foydalanish orqali autentifikatsiyadan o‘tmagan hujumchi ayrim shartlar bajarilganda sayt ma’lumotlar bazasiga zararli SQL so‘rovlarini kiritishi va yakunda serverda masofadan turib kod ishga tushirishgacha bo‘lgan hujum zanjirini amalga oshirishi mumkin.

⚠️ Bugungi kunda WordPress dunyodagi eng ommaviy kontent boshqaruv tizimlaridan biri bo‘lib, uning imkoniyatlarini kengaytiruvchi minglab plaginlardan foydalaniladi. Biroq aynan shu keng ekotizim kiberhujumchilar uchun ham katta nishonni yuzaga keltiradi.

⚠️ 2026-yil avgust oyida xavfsizlik tadqiqotchilari tomonidan aniqlangan yangi zaiflik esa ayniqsa e’tiborga molik. Chunki muammo All-in-One WP Migration and Backup plaginining millionlab faol o‘rnatmalariga ta’sir qilishi mumkin. Wordfence ushbu zaiflikni  CVE-2026-19949  sifatida qayd etgan va unga CVSS 8.8 — High darajasini bergan.

📱 https://uzcert.uz/5-milliondan-ortiq-wordpress-saytlari-xavf-ostida-all-in-one-wp-migration-plaginida-jiddiy-sql-injection-zaifligi-aniqlandi/

🚀

🚨 Cisco Nexus 9000 qurilmalarida kritik zaiflik aniqlandi: masofadan turib root huquqida kod ishga tushirilishi mumkin!

💻 Cisco Nexus 9000 Series tarmoq kommutatorlarida aniqlangan kritik zaiflik hujumchilarga hech qanday autentifikatsiyasiz, masofadan turib qurilmada yuqori imtiyozlar — root huquqi ostida ixtiyoriy kodni ishga tushirish imkonini berishi mumkin.

⚠️ Tarmoq infratuzilmasining markaziy bo‘g‘inlarida ishlatiladigan Cisco Nexus 9000 Series qurilmalarida aniqlangan CVE-2026-20212 zaifligi kiberxavfsizlik mutaxassislari e’tiborini talab qiladigan jiddiy tahdidlardan biridir. Cisco ushbu zaiflikka 10 balldan 9,8 ball — Critical darajasidagi CVSS bahosini bergan. Zaiflik CWE-1327 sifatida qayd etilgan.

⚠️ Eng xavotirli jihati shundaki, zaiflikdan foydalanish uchun hujumchiga qurilmaga kirish ma’lumotlari yoki foydalanuvchi hisob qaydnomasi talab qilinmaydi. Ya’ni, zarur sharoitlar mavjud bo‘lsa, masofadagi autentifikatsiyadan o‘tmagan hujumchi zaif qurilmaga maxsus tayyorlangan ma’lumotlarni yuborib, unda zararli kodni root huquqlari bilan bajarishga urinishi mumkin.

📱 https://uzcert.uz/cisco-nexus-9000-qurilmalarida-kritik-zaiflik-aniqlandi-masofadan-turib-root-huquqida-kod-ishga-tushirilishi-mumkin/

🚀

⚠️ Google’dan kiberxavfsizlikda yangi bosqich: Gemini 3.8 Flash Cyber zaifliklarni mustaqil aniqlab, ularni avtomatik tuzata oladi!

🧠 Google dasturiy ta’minotdagi xavfsizlik zaifliklarini aniqlash, tahlil qilish va ularni bartaraf etishni avtomatlashtirishga qaratilgan yangi sun’iy intellekt modelini taqdim etdi. Gemini 3.8 Flash Cyber deb nomlangan ushbu maxsus model nafaqat zaifliklarni topishi, balki ular uchun tuzatish kodlarini ishlab chiqishi va ularning to‘g‘ri ishlashini tekshirishi mumkin.

🔎 Sun’iy intellekt kiberxavfsizlik sohasida tobora muhim vositaga aylanib borayotgan bir paytda Google yangi Gemini 3.8 oilasi bilan bu yo‘nalishda yana bir katta qadam tashladi. 2026-yil 2-sentabr kuni taqdim etilgan yangi oilaga Gemini 3.8 Flash va kiberxavfsizlikka ixtisoslashgan Gemini 3.8 Flash Cyber modellari kiradi. Google ma’lumotlariga ko‘ra, ikkala model ham umumiy bazaviy intellektga ega bo‘lsa-da, turli vazifalar uchun optimallashtirilgan.

📱 https://uzcert.uz/googledan-kiberxavfsizlikda-yangi-bosqich-gemini-3-8-flash-cyber-zaifliklarni-mustaqil-aniqlab-ularni-avtomatik-tuzata-oladi/

🚀

⚠️ 21 mingdan ortiq Microsoft Exchange Server xavf ostida: kritik zaiflik elektron pochta qutilarini egallash imkonini beradi!

⚠️ Microsoft Exchange Server  foydalanuvchilarining elektron pochta tizimlari jiddiy xavf ostida. 2026-yil avgust oyida aniqlangan   https://nvd.nist.gov/vuln/detail/cve-2026-62911  zaifligi sababli butun dunyo bo‘ylab  21 899 ta internetga ochiq IP-manzilga tegishli Exchange Server hali ham himoyalanmagan holatda qolmoqda. Shadowserver Foundation tomonidan o‘tkazilgan internet miqyosidagi kundalik skanerlash natijalarida aynan shu miqdordagi zaif tizimlar 2026-yil 31-avgust holatiga qayd etilgan.

💻 Mazkur holatning xavfliligi shundaki, Microsoft Exchange Server korporativ elektron pochta infratuzilmasining markaziy qismi hisoblanadi. Bunday serverning nazoratdan chiqishi oddiy bitta foydalanuvchi akkauntining buzilishi bilan cheklanib qolmay, tashkilotning elektron yozishmalari, ilovalari, foydalanuvchi hisoblari va boshqa ichki resurslariga tahdid tug‘dirishi mumkin.

📱 https://uzcert.uz/21-mingdan-ortiq-microsoft-exchange-server-xavf-ostida-kritik-zaiflik-elektron-pochta-qutilarini-egallash-imkonini-beradi/

🚀

🛡 OWASP OASIS’ni ishga tushirdi: sun’iy intellekt ochiq kodli dasturlardagi zaifliklarni aniqlab, ularni bartaraf etish uchun yechimlar taklif etadi!

⚠️ Ochiq kodli dasturiy ta’minot bugungi raqamli infratuzilmaning ko‘zga ko‘rinmas, ammo eng muhim poydevorlaridan birini tashkil etadi. Deyarli barcha zamonaviy veb-xizmatlar, korporativ tizimlar, bulutli platformalar va mobil ilovalar tarkibida ochiq kodli kutubxonalar va komponentlardan foydalaniladi. Biroq bunday keng tarqalganlik kiberxavfsizlik nuqtayi nazaridan jiddiy muammoni ham yuzaga keltirmoqda: zaiflikni aniqlash tobora osonlashayotgan bir paytda, uni amalda bartaraf etish jarayoni hanuz murakkab va ko‘p vaqt talab qilmoqda.

✅ Shu muammoni hal etishga qaratilgan muhim tashabbuslardan biri — OWASP tomonidan ishga tushirilgan OASIS (Open Automated Security Initiative for Software) loyihasidir.

2026-yil 26-avgust kuni San-Fransiskoda e’lon qilingan tashabbusning asosiy maqsadi oddiy: zaifliklarni shunchaki aniqlab, ro‘yxatga qo‘shish emas, balki ularni tuzatishga yordam beradigan ishonchli va amaliy kod o‘zgartirishlarini ishlab chiqish.

OASIS sun’iy intellektning avtomatlashtirish imkoniyatlarini dasturiy ta’minot xavfsizligi bo‘yicha mutaxassislarning tajribasi bilan birlashtirib, ochiq kodli loyihalardagi zaifliklarni aniqlashdan boshlab, ularni tuzatish va ishlab chiquvchilarga yetkazib berishgacha bo‘lgan jarayonni tezlashtirishni maqsad qilgan.

📱 https://uzcert.uz/owasp-oasisni-ishga-tushirdi-suniy-intellekt-ochiq-kodli-dasturlardagi-zaifliklarni-aniqlab-ularni-bartaraf-etish-uchun-yechimlar-taklif-etadi/

🚀

O‘ZBEKISTON MUSTAQILLIGINING 🇺🇿 YILLIGI MUBORAK BO‘LSIN!

🇺🇿 Yagona Vatan, yagona xalq bo‘lib, yangi hayot va kelajak yaratamiz!

Aziz yurtdoshlar!

🟦 UZCERT xizmati jamoasi Sizlarni O‘zbekiston Respublikasi Davlat mustaqilligining 3️⃣5️⃣ yilligi bilan chin qalbdan tabriklaydi!

🇺🇿 Mustaqil O‘zbekistonimizning xavfsiz raqamli kelajagini ta’minlash yo‘lida UZCERT xizmati o‘zining munosib hissasini qo‘shishda davom etadi.

🚀

🟦🟦🟦🟦

FIRESIGHT — veb-ilovalarning zamonaviy va ishonchli himoya tizimi!

🛡Bugungi kunda veb-sayt tashkilotlarning onlayn yuziga aylanib, uning himoyasi ustuvor vazifaga aylanib bormoqda. Mukammal himoya tizimi nafaqat xavfsizlikni ta’minlaydi, balki tashkilotning obro‘sini mustahkamlash, foydalanuvchi ishonchini oshirish va shaxsiy ma’lumotlarning himoyasi uchun xizmat qiladi.

➡️Mazkur xizmat turining asosiy vazifalari tashkilotlarning axborot tizimlari va resurslariga uyushtiriladigan kiberhujumlarni real vaqt rejimida aniqlash (monitoring) va bartaraf etish hamda ularning kiberxavfsizlik darajasini oshirishdir.

Veb-ilovalarni “Firesight” himoya tizimiga ulash xizmatining afzalliklari quyidagicha:

✅"OWASP Top-10" zamonaviy kiberhujumlardan himoyalanish
✅”DoS/DDoS” kabi kiberhujumlardan himoyalanish
✅Veb-resurs ish faoliyatini optimallashtirish (caching)
✅Bepul SSL xavfsizlik sertifikatlari
✅24/7 rejimida texnik qo‘llab quvvatlash
✅Kiberhujumlar to‘g‘risida statistik ma’lumotlarni olish (mijozlar uchun)
✅Kiberxavfsizlik hodisasini tekshirish va tegishli tavsiyalar taqdim etish

☎️Batafsil ma'lumot olish uchun +99871-203-00-83 raqamiga qo'ng'iroq qilishingiz mumkin.

🌐 https://csec.uz/uz/ | 📝 https://t.me/cyber_csec_uz | 🌐 https://www.facebook.com/csec.uz/ | 📹 https://www.youtube.com/@csecuz | 📱 https://www.instagram.com/csecuz01?igsh=bGZxcW00cDN3M2hj

⚠️ Login va parolsiz administrator bo‘lish mumkin! miniOrange SAML SSO’dagi ikki kritik zaiflik WordPress saytlarini hujumchilar qo‘liga topshirishi mumkin!

💻 WordPress saytlarida miniOrange SAML 2.0 Single Sign-On (SSO)  plaginidan foydalanayotgan administratorlar jiddiy kiberxavfsizlik xavfi haqida ogohlantirilmoqda. Mazkur plaginda aniqlangan  CVE-2026-61979  va  CVE-2026-15981  identifikatorli ikkita kritik zaiflik kiberjinoyatchilarga  hech qanday login va parolsiz WordPress saytidagi istalgan mavjud foydalanuvchi, jumladan administrator nomidan tizimga kirish imkonini berishi mumkin.

⚠️ Har ikki zaiflik CVSS 9,8 ball bilan baholangan bo‘lib, ular eng yuqori darajadagi xavf tug‘diradi. Xavf yanada jiddiy tus olayotganining sababi — mazkur zaifliklardan foydalanishga urinishlar real muhitda ham kuzatilganidir. Shu bois miniOrange SAML SSO plaginidan foydalanayotgan tashkilotlar va veb-sayt administratorlari ushbu holatni oddiy dasturiy ta’minot yangilanishi sifatida emas, balki zudlik bilan bartaraf etilishi lozim bo‘lgan kritik kiberxavfsizlik tahdidi sifatida baholashlari lozim.

📱 https://uzcert.uz/login-va-parolsiz-administrator-bolish-mumkin-miniorange-saml-ssodagi-ikki-kritik-zaiflik-wordpress-saytlarini-hujumchilar-qoliga-topshirishi-mumkin/

🚀

🚨 100 mingdan ortiq WordPress sayti jiddiy xavf ostida: Everest Forms’dagi kritik zaiflik saytni to‘liq egallab olishga yo‘l ochmoqda!

⚠️ WordPress ekotizimida aniqlangan  https://nvd.nist.gov/vuln/detail/CVE-2026-19598  identifikatorli kritik zaiflik  Everest Forms plaginidan foydalanayotgan 100 mingdan ortiq veb-saytlar uchun jiddiy kiberxavfsizlik xavfini yuzaga keltirmoqda. Zaiflikdan muvaffaqiyatli foydalanilgan taqdirda, kiberjinoyatchilar autentifikatsiyadan o‘tmasdan turib zararli fayllarni yuklashi, masofadan turib kodlarni bajarishi va natijada zaif veb-sayt ustidan deyarli to‘liq nazoratni qo‘lga kiritishi mumkin.

⚠️ Mazkur zaiflikning CVSS bahosi 9,8 ballni tashkil etadi va u eng yuqori xavf toifasiga mansub. Ayniqsa, hujumni amalga oshirish uchun WordPress tizimida foydalanuvchi hisobiga ega bo‘lish talab etilmasligi vaziyatni yanada xavfli qiladi.

📱 https://uzcert.uz/100-mingdan-ortiq-wordpress-sayti-jiddiy-xavf-ostida-everest-formsdagi-kritik-zaiflik-saytni-toliq-egallab-olishga-yol-ochmoqda/

🚀

⚠️ Axborot va kiberxavfsizlikka mas’ul rahbarlar hamda texnik mutaxassislar DIQQATIGA!

🔎 Kiberxavfsizlik markazining UZCERT xizmati tomonidan olib borilgan o‘rganishlar natijasida so‘nggi 10 kun davomida respublikamiz kibermakonida eng ko‘p kuzatilgan va faol holatda bo‘lgan yuqori xavf darajasidagi zaifliklar aniqlandi.
Jumladan: ProFTPD, https://nvd.nist.gov/vuln/detail/cve-2023-44487, https://nvd.nist.gov/vuln/detail/cve-2021-23017, https://nvd.nist.gov/vuln/detail/cve-2023-48795, https://nvd.nist.gov/vuln/detail/CVE-2024-52875, https://nvd.nist.gov/vuln/detail/cve-2024-6387, SSL POODLE, https://nvd.nist.gov/vuln/detail/CVE-2025-22224, https://nvd.nist.gov/vuln/detail/cve-2023-42115, administratorlik sahifalarining ochiqligi, https://nvd.nist.gov/vuln/detail/cve-2024-22252, https://nvd.nist.gov/vuln/detail/cve-2024-37085, https://nvd.nist.gov/vuln/detail/CVE-2025-41236, https://nvd.nist.gov/vuln/detail/cve-2025-41237 va https://nvd.nist.gov/vuln/detail/cve-2025-41238.

⚠️ So‘nggi vaqtlarda tashkilotlarda kuzatilayotgan ayrim kiberxavfsizlik hodisalari o‘z vaqtida bartaraf etilmagan mavjud zaifliklardan foydalanish orqali sodir etilayotganligi aniqlanmoqda.

⚠️ Shu munosabat bilan, tashkilotlarning axborot va kiberxavfsizlikka mas’ul mutaxassislaridan yuqorida ko‘rsatilgan zaifliklar bo‘yicha zudlik bilan o‘rganish ishlarini olib borish va aniqlangan zaifliklarni imkon qadar qisqa muddatlarda bartaraf etish so‘raladi.

✅ Eslatib o‘tamiz: “Kiberxavfsizlik to‘g‘risida”gi Qonunning https://lex.uz/docs/-5960604#:~:text=14-modda.Davlatorganlarivatashkilotlariningkiberxavfsizliknitaʼminlashborasidagihuquqvamajburiyatlari, davlat organlari va tashkilotlari o‘z tasarrufidagi axborot tizimlari hamda axborot resurslarining kiberxavfsizligini ta’minlashi, shuningdek, axborot-kommunikatsiya tarmoqlarining barqaror ishlashini ta’minlash choralarini ko‘rishi shart.

⚠️ Aniqlangan zaifliklarni o‘z vaqtida bartaraf etish tashkilot axborot tizimlarini kiberhujumlardan himoya qilishning muhim choralaridan biridir.

🚀

🚨 WordPress’da “oddiy rasm” ortidagi xavf: bitta zararli PNG fayl serverni hujumchi qo‘liga berishi mumkin!

💻 WordPress platformasida jiddiy xavfsizlik zaifligi aniqlandi. CVE-2026-65640 sifatida qayd etilgan mazkur zaiflikdan foydalanib, hujumchi WordPress saytida Author (muallif) huquqiga ega hisob orqali maxsus tayyorlangan faylni yuklashi va serverda masofadan turib kod bajarilishiga erishishi mumkin.

⚠️ Zaiflik WordPress’ning rasmlarni qayta ishlash mexanizmi bilan bog‘liq bo‘lib, ayniqsa Imagick, ImageMagick va Ghostscript komponentlaridan foydalanadigan saytlar uchun xavf tug‘diradi.

✅ Muammo WordPress’ning  7.0.4  versiyasida bartaraf etilgan. Shu sababli sayt administratorlariga tizimni imkon qadar tezroq yangilash tavsiya etiladi.

📱 https://uzcert.uz/wordpressda-oddiy-rasm-ortidagi-xavf-bitta-zararli-png-fayl-serverni-hujumchi-qoliga-berishi-mumkin/

🚀

⚠️ Microsoft SharePoint’da kritik zaiflik: bitta yangilanmagan server butun tashkilot tarmog‘i uchun ochiq eshikka aylanishi mumkin!

💻 Microsoft SharePoint Server’da aniqlangan CVE-2026-55040 kritik zaifligi kiberxavfsizlik mutaxassislarini jiddiy xavotirga solmoqda. CVSS 9.1 ball bilan baholangan mazkur zaiflik masofadan turib, hech qanday autentifikatsiyadan o‘tmasdan SharePoint’dagi foydalanuvchi yoki administrator nomidan harakat qilish imkonini beradi. Mutaxassislar ma’lumotlariga ko‘ra, zaiflik tarmoq orqali ekspluatatsiya qilinishi mumkin, buning uchun foydalanuvchi ishtiroki yoki oldindan berilgan imtiyozlar talab etilmaydi.

🚫 Eng xavotirli jihati shundaki, zaiflik tafsilotlari va ekspluatatsiya kodi ommaga taqdim etilgach, hujumchilar undan foydalanishga juda tez kirishgan. Shu sababli internetga ochiq va yangilanmagan on-premises SharePoint Server tizimlari hozirda yuqori xavf ostidagi infratuzilma sifatida qaralishi kerak.

📱 https://uzcert.uz/microsoft-sharepointda-kritik-zaiflik-bitta-yangilanmagan-server-butun-tashkilot-tarmogi-uchun-ochiq-eshikka-aylanishi-mumkin/

🚀

🚫 Gunra ransomware: bitta o‘g‘irlangan sessiya butun Active Directory va korporativ tarmoqni qulatishi mumkin!

💻 Gunra ransomware guruhi qisqa vaqt ichida oddiy ransomware oilasidan yirik tashkilotlarning axborot infratuzilmasiga jiddiy xavf tug‘dirayotgan, ko‘p bosqichli va professional kiberjinoyat operatsiyasiga aylandi. Uning hujumlarida asosiy maqsad faqat fayllarni shifrlash emas, balki tashkilotning tashqi tarmoq qurilmalaridan boshlab ichki virtual infratuzilma, Active Directory, administrator hisoblari va zaxira nusxalarigacha bo‘lgan butun raqamli muhitni nazorat ostiga olishdan iborat.

⚠️ 2026-yil avgust oyida AQSh va Janubiy Koreya kiberxavfsizlik idoralari Gunra faoliyati bo‘yicha ogohlantirishlar bergani tahdidning ko‘lami oshayotganini ko‘rsatmoqda. Hozirgi kampaniyalarda guruh davlat idoralari, sog‘liqni saqlash, moliya, ishlab chiqarish, transport, kommunal xizmatlar va boshqa muhim infratuzilma tashkilotlariga qarshi hujumlar uyushtirmoqda.

📱 https://uzcert.uz/gunra-ransomware-bitta-ogirlangan-sessiya-butun-active-directory-va-korporativ-tarmoqni-qulatishi-mumkin/

🚀