Uog zena

#UoG

በ2019 ዓ.ም በትምህርት ሚኒስቴር በትግራይ ክልል ከሚገኙ ዩኒቨርሲቲዎች በጊዜያዊነት ጎንደር ዩኒቨርሲቲ የተመደባችሁ ተማሪዎች በሙሉ ከጥቅምት 05-09/2019 ዓ.ም ሪፗርት እንድታደርጉ ዩኒቨርሲቲው አሳውቋል።

የምዝገባ ቦታ
በየግቢዎቹ ረዳት ሬጅስትራር ጽ/ቤት በአካል

ለምዝገባ ስትሔዱ ልትይዟቸው የሚገቡ፦
● የነበራችሁበት ዩኒቨርሲቲ መታወቂያ
● የብሔራዊ (ፋይዳ) መታወቂያ
● ሁለት 3×4 መጠን የሆነ ፎቶግራፍ
● አንሶላ፣ ብርድ ልብስ እና የትራስ ልብስ

@uogzena

ቀን 26/01/2019 ዓ.ም
በ2019 ጎንደር ዩኒቨርሲቲ ለተመደባችሁ እና ድህረ-ምረቃ ላመለከታችሁ ተማሪዎች በሙሉ
በ2019 ዓ.ም በጎንደር ዩኒቨርሲቲ አዲስ የተመደባችሁ የመጀመሪያ ዓመት መደበኛ ተማሪዎች እና በ2018 ዓ.ም የአቅም ማሻሻያ ትምህርት (Remedial Program) ተምራችሁ ያለፋችሁ ተማሪዎች እንዲሁም በድህረ-ምረቃ ፕሮግራም ለመማር ያመለከታችሁ አዲስ ገቢ ተማሪዎች የዩኒቨርሲቲ መግቢያ ቀናት ጥቅምት 04 እና 05 ቀን 2019 ዓ.ም መሆኑን እያሳወቅን አዲስ ገቢ የመጀመሪያ ዲግሪ መደበኛ ተማሪዎች ስትመጡ ልትይዙ የሚገቡ፦
ከ9-12ኛ ክፍል ትራንስክሪፕት ዋናውና ኮፒው፤
የ12ኛ ክፍል ሰርተፊኬት ዋናውና ኮፒው፤
አራት 3x4 መጠን የሆኑ ጉርድ ፎቶግራፎች፤
አንሶላ፣ ብርድ ልብስ፣ ትራስ ልብስ እና የስፖርት ትጥቅ።
የምዝገባ ቦታ፦
ለማህበራዊ ሳይንስ መስክ መደበኛ አዲስ ገቢ ተማሪዎች — ማራኪ ግቢ
ለተፈጥሮ ሳይንስ መስክ መደበኛ አዲስ ገቢ ተማሪዎች — አር ቴዎድሮስ ግቢ
ለድህረ-ምረቃ ተማሪዎች የምዝገባ ቦታ፦ በየግቢው ረዳት ሬጅስትራር ጽ/ቤቶች።
ማሳሰቢያ፦ የመጀመሪያ ዲግሪ አዲስ ገቢ መደበኛ ተማሪዎች ወደ ዩኒቨርሲቲ ከመምጣችሁ በፊት ባላችሁበት ሆናችሁ በኦንላይን ምዝገባችሁን እንድትፈጽሙ እናሳስባለን።
Registration.uog.edu.et

የፈተና ክፍያ ተመን ጭማሪ ተደረገ

​የትምህርት ምዘናና ፈተናዎች አገልግሎት በሚመራበት ደንብ ቁጥር 260/2004 መሠረት የሚሰጣቸውን የፈተና አገልግሎቶች በመንግሥት በጸደቀ ተመን መሠረት ያስተዳድራል።

በአዲሱ የመንግሥት አገልግሎት አስተዳደር ሪፎርም መሠረት የተሻሻለው ክፍያ ተመን በሚኒስትሮች ምክር ቤት ደንብ ቁጥር 593/2016 መሠረት ከሐምሌ 22/2016 ዓ.ም. ጀምሮ ተገቢ ሆኗል።

​በመሆኑም በተሻሻለው ተመን መሠረት በእያንዳንዱ ተፈታኝ ላይ ለምዝገባና ለፈተና አሰጣጥ:-

👉 ለዩኒቨርሲቲ መውጫ ፈተና 2,000 ብር

👉 ለድህረ ምረቃ መግቢያ ፈተና 3,500 ብር

👉 ለሙያ ብቃት ፈተና ምዘና 3,500 ብር እና

👉 ለሊቃውንት ማረጋገጫ ፕሮግራም ፈተና 950 ብር በምዝገባ ሲስተሙ ላይ በተቀመጠው የክፍያ ሥርዓት የሚፈጸም ይሆናል።

እንዲሁም የተሻሻለው ተመን ከመውጣቱ በፊት ለተከፈሉ ፈተናዎች የሚከፈል ቀሪ ክፍያዎች 750 ብር በእያንዳንዱ ተፈታኝ ተሰልፎ እንዲፈጸም፤ ያልተከፈሉ ክፍያዎችም የተሻሻለው ተመን በሲስተሙ ላይ ከመጫኑ በፊት በመክፈል ተገቢውን አገልግሎት እንድታገኙ እናሳስባለን።

@uogzena

"በጎንደር ዩኒቨርሲቲ በአፄ ቴዎድሮስ ግቢ የሚገኘው ትልቁ ፓርክ በዶ/ር አሥራት አፀደወይን ስም ተሰየመ "::
********
በሀገር አቀፍ ደረጃ እንዲሁም ለተቋሙ ከፍተኛ አስተዋፅኦ ላበረከቱ የሀገር ባለውለታዎችና ዩኒቨርሲቲውን በኃላፊነት መርተው ለዚህ ደረጃ ላበቁ መሪዎች በስማቸው ህንፃዎችንና መሰረተ-ልማቶችን ስያሜ መስጠት በጎንደር ዩኒቨርሲቲ የተለመደ የምስጋና ባህል ነው። ይህንኑ አሰራር በመከተል፣ በጎንደር ዩኒቨርሲቲ በአፄ ቴዎድሮስ ግቢ የሚገኘው ትልቁ ፓርክ ዛሬ ነሐሴ 20 ቀን 2018 ዓ.ም በዶክተር አሥራት አፀደወይን ስም ተሰይሟል። ስያሜው ዶ/ር አሥራት አፀደወይን በተቋሙ ምቹ የመማር ማስተማር ሁኔታን ለመፍጠርና ግቢው እጅግ ሳቢ የምርምር ማዕከል እንዲሆን ላደረጉት ሁለንተናዊ አስተዋፅኦና ላሳዩት የላቀ አመራር እውቅና ለመስጠት የተደረገ ነው።

ፓርኩ በ3.22 ሄክታር መሬት ላይ ያረፈ ሲሆን፣ በውስጡ ሦስት ውብ ፋውንቴኖች (Fountains)፣ ዘመናዊ ስማርት ካፌቴሪያ፣ የትዕይንትና ዝግጅት ማቅረቢያ ስፍራ (Amphitheater) እና የተለያዩ ማረፊያ ቦታዎችን ያካተተ ነው። በተጨማሪም፣ ፓርኩ የተማሪዎችን የንባብ ባህል የሚያዳብር ምቹ አካባቢ ከመፍጠሩም በላይ ለተለያዩ ማህበራዊ ኩነቶች ማካሄጃነት ያገለግላል።

እንኳን ደስ አለን!

"የጎንደር ዩኒቨርሲቲ ሞዴል 2ኛ ደረጃ  ትምህርት ቤት እና የየጎንደር ዩኒቨርሲቲ ማህበረሰብ ትምህርት ቤት ተማሪዎች ሙሉ በሙሉ የማለፊያ ነጥብ አስመዘገቡ"።
*********
የጎንደር ዩኒቨርሲቲ ሞዴል 2ኛ ደረጃ ትምህርት ቤት እና የጎንደር ዩኒቨርሲቲ ማህበረሰብ ትምህርት ቤት በ2018 ዓ.ም የ12ኛ ክፍል ብሄራዊ ፈተና የተፈተኑት ሁሉም ተማሪዎቻቸው የማለፊያ ነጥብ በማስመዝገብ አንጸባራቂ ድል አስመዝግበዋል።

ከጎንደር ዩኒቨርሲቲ ሞዴል 2ኛ ደረጃ ትምህርት ቤት ተማሪ  ረድኤት ሳሙኤል 574.4 ከፍተኛ ውጤት በማስመዝገብ እንዲሁም ከጎንደር ዩኒቨርሲቲ ማህበረሰብ ትምህርት ቤት ደግሞ ተማሪ ናትናኤል ሙላት 570.16 ውጤት በማስመዝገብ አስደናቂ ስኬት ተጎናፅፈዋል።

የሀዘን መግለጫ
*********
በጎንደር ዩኒቨርሲቲ የእንስሳት ሕክምናና ሳይንስ ኮሌጅ መምህርና ተመራማሪ የነበሩት አቶ ሙሉጌታ አያሌው በድንገተኛ ሕመም ምክንያት የሕክምና እርዳታ ሲደረግላቸው ከቆዩ በኋላ ዛሬ ነሐሴ 16 ቀን 2018 ዓ.ም. ከዚህ ዓለም በሞት ተለይተዋል።

በመሆኑም በአቶ ሙሉጌታ አያሌው ህልፈተ ሕይወት የጎንደር ዩኒቨርሲቲ ማህበረሰብ የተሰማውን ጥልቅ ሀዘን እየገለጸ ለቤተሰቦቻቸው፣ለወዳጅ ዘመዶቻቸው እና ለሥራ ባልደረቦቻቸው መጽናናትን እንመኛለን።
*************
ለልህቀት እንተጋለን!
የሕዝብ ግንኙነትና ኮሙኒኬሽን ሥራ አስፈጻሚ
ነሐሴ 16 / 2018 ዓ.ም.

"ሠልጥነው ከፍተኛ ውጤት የሚያመጡ ተመራቂዎችን በ(Paid Internship) እየቀጠርን ነው!"

የ Oriix AI Income Lab የሁለተኛው ዙር (Cohort 2) ምዝገባ አሁን ተከፍቷል!

20,000 ብር የሚያወጣውን ሥልጠናችንን በ Oriix AI Lab ስፖንሰር ስለተደረገ በ 999 ብር ብቻ ለአጭር ጊዜ ሥልጠናውን እየሰጠን ነው።

በሥልጠናው መጨረሻ ላይ የብዙ ልምድና እውቀት ባለቤት ይሆናሉ፦

👉 የኮዲንግ ዲግሪ ሳይኖርዎት AIን በመጠቀም ሶፍትዌሮችንና ዌብ አፖችን ከዜሮ መገንባት
👉 የገነቧቸውን አፖች በአግባቡ አዘጋጅተው፣ ዋጋ ተምነው ለደንበኞች ማቅረብና መሸጥ
👉 ለ(CV) ዝግጁ የሆነና ተግባራዊ የ AI ክህሎትዎን የሚያረጋግጥ የተረጋገጠ ሰርተፊኬት መያዝ
👉 እርስዎ የሠሯቸውን ሶፍትዌሮች መግዛት የሚፈልጉ 20,000+ የኢትዮጵያ ሀገር ውስጥ የንግድ ድርጅቶች አድራሻ እና ስልክ ቁጥር (Contact List) ማግኘት

🎁 ቦነስ (Bonus): የዚህ ዙር ከፍተኛ ውጤት የሚያመጡ 2 ሠልጣኞች በቀጥታ ክፍያ ወዳለው የልምድ ልምምድ (Paid Internship) የሥራ ዕድል ይሸጋገራሉ።

⏳ ምዝገባው የሚዘጋበት ቀን: ነሐሴ 19 ቀን 2018 ዓ.ም (August 25, 2026)

👉 እዚህ ይመዝገቡ: http://oriix.net/student-edition

የራስገዝ ዩኒቨርሲቲ ለመሆን ሒደቱን እንዲጀምሩ የሚፈቀድላቸው ዩኒቨርሲቲዎች ዝርዝር በቅርቡ ይፋ እንደሚሆን ይጠበቃል፡፡

ዘጠኝ ዩኒቨርሲቲዎች ራስገዝ ለመሆን የሚያስችላቸውን ሒደት ለመጀመር የራሳቸውን ግለ-ግምገማ ያደረጉ ሲሆን፣ ትምህርት ሚኒስቴር አቋቁሞ ወደ ተቋማቱ የላካቸው ገለልተኛ የባለሙያ ቡድኖች ባለፈው ግንቦት በየዩኒቨርሲቲዎቹ በመገኘት ምዘና ማከናወናቸው ይታወሳል።

ዩኒቨርሲቲዎቹ የራስገዝነት ሒደቱን ለመጀመር ያቀረቡት ጥያቄ በትምህርት ሚኒስቴር እየታየ እንደሆነ የተገለጸ ሲሆን፣ ዩኒቨርሲቲዎቹ ከሦስት ወራት ባነሰ ጊዜ ውስጥ ራስገዝ ሊሆኑ ይችላሉ ተብሏል፡፡

የትምህርት ሚኒስትሩ ብርሃኑ ነጋ (ፕ/ር) በቀን 10/11/2018 ዓ.ም ራስገዝ ለመሆን ሒደት ለጀመሩ ዘጠኝ ዩኒቨርሲዎች በጻፉት ደብዳቤ፤ እነዚህ ከፍተኛ የትምህርት ተቋማት በራስገዝነት ዝግጁነታቸው ላይ ውሳኔ እስኪሰጥ ድረስ ከመደበኛ የተቋሙ ተግባር ባለፈ ዩኒቨርሲቲውን ተጠያቂነት ውስጥ ከሚያስገቡ ውሳኔዎችና ድርጊቶች ጥንቃቄ ማድረግ እንዳለባቸው ጠቁመዋል፡፡

በዚህም የዩኒቨርሲቲውን መሬት፣ ንብረት እና መብት በውሰትም ሆነ በሽያጭ ለሌላ ወገን ማስተላለፍ እንዲሁም በትምህርት ሚኒስቴር በልዩ ሁኔታ ካልተፈቀደ በስተቀር ከፍተኛ የግንባታና ንብረት ግዢ ውሳኔዎችን መስጠት የተከለከሉ መሆኑን ሚኒስትሩ አሳስበዋል፡፡

የራስገዝነት ሒደትን ለመጀመር የመንግሥትን ውሳኔ እየጠበቁ ከሚገኙ ዘጠኝ ዩኒቨርሲቲዎች መካከል በሦስቱ ዩኒቨርሲቲዎች የፕሬዝዳንት ለውጥ በቅርቡ መደረጉ የሚታወስ ነው፡፡

በራስገዝነት የሽግግር መመሪያ ተገምግመው 60 በመቶና ከዚያ በላይ የሚያስመዘግቡ ዩኒቨርሲቲዎች በ2019 ዓ.ም ወደ ራስገዝነት ይሸጋገራሉ መባሉ ይታወቃል።

በጎንደር ዩኒቨርሲቲ ከአፈር የተሠራ ነዳጅ ከ30 እስከ 40 ሊትር ማምረት ተቻለ!

📌 ከአፈር ነዳጅ ለማዘጋጀት የተወጠነው ፈጠራ የት ደረሰ?

ከአስር ዓመታት በፊት በነዳጅ እና በሊቲየም ፈጠራ ሥራቸው የብዙዎችን ትኩረት ስበው የነበሩት የጎንደር ዩኒቨርሲቲ የኬሚስትሪ መምህር እና ተመራማሪው አቡሃይ ውብሸት አሁን ፈጠራው ስላለበት ወቅታዊ ሁኔታ ከአሚኮ ዲጂታል ሚዲያ ጋር ቆይታ አድርገዋል።

እርሳቸው እና ሌሎች ጓደኞቻቸው የጀመሩት ከአፈር ነዳጅ የመፍጠር የምርምር ፕሮጀክት ትንንሽ የላቦራቶሪ ሙከራዎችን (በሚሊ ሊትር ደረጃ የነበሩትን) አልፎ በሊትር ደረጃ (ከ30 እስከ 40 ሊትር) ማምረት የሚያስችል ደረጃ ላይ መድረሱን ነግረውናል።

ለፈጠራው የባለቤትነት (የፓተንት) መብት ማግኘቱንም ገልጸዋል። የኢትዮጵያ የጥራት ኤጀንሲ ምርቱ ለተሽከርካሪዎች መዋል እንደሚችል የጥራት ማረጋገጫ እንደሰጣቸውም አንስተዋል።

በጎንደር ዩኒቨርሲቲ አማካኝነት ነዳጁ ተመርቶ የተወሰኑ ተሽከርካሪዎች አገልግሎት እንዲሰጡ ማድረግ ተችሎ እንደነበረም አስታውሰዋል። በዚያው በጎንደር ዩኒቨርሲቲ እያገለገሉ ከሚገኙት ፕሮፌሰር ብርሃኑ አንዷለም ጋር በመኾን ለቀረበው ለዚህ የምርምር ውጤት ከጠቅላይ ሚኒስትር ዐቢይ አሕመድ (ዶ.ር) እውቅና እና ሽልማት እንደተበረከተላቸውም ተናግረዋል።

ለዚሁ ምርት ግብዓት የሚኾነውን ዶቤ የተባለ የአፈር አይነት መኾኑን ጠቅሰዋል። ባለፉት ሁለት እና ሦስት ዓመታት ግን በተለያዩ አካባቢዎች ተንቀሳቅሶ ለጥሬ ዕቃት የሚያገለግለውን የዶቤ አፈር ናሙናዎችን በማጥናት ሥራው ሙሉ በሙሉ ወደ ፋብሪካ እና ሰፊ ምርት እንዳይሸጋገር የጸጥታ ሁኔታው አስቸጋሪ እንደኾነባቸው ነው የተናገሩት።


።